Ընդդիմադիր գործիչները հերթով թիրախավորում են միմյանց. Սա դասական թոզփչոցի է. Գոռ Համբարձումյան
- 3 days ago
- 1 min read
Դերասան Գոռ Համբարձումյանը ֆեյսբուքյան իր էջում գրել է.
Հիմա ականատես ենք լինում մի հետաքրքիր «ներկայացման»․ ընդդիմադիր գործիչները հերթով թիրախավորում են միմյանց՝ փորձելով ցույց տալ, թե իբր իրար հետ որևէ կապ չունեն։
Սա դասական թոզփչոցի է։ Նույն սցենարը հասարակությունը տեսել է ոչ վաղ անցյալում՝ թե՛ 2021 թվականի ԱԺ ընտրությունների ժամանակ, թե՛ հետո ՏԻՄ ընտրություններին։ Նույն ձեռագիր, նույն հաշվարկ, նույն հին տեխնոլոգիաներ։
Մարդիկ, ովքեր անգամ իրենց քաղաքական ռազմավարությունը չեն կարողացել փոխել, այսօր խոսում են «նոր գաղափարներից»։ Երբ ռազմավարությունը հին է ու սպառված, գաղափարներն էլ մնում են փուչ խոսքերի մակարդակում։
Հ.Գ. Իզուր մի տանջվեք։ Ապագան արդեն կա։ Եվ ի տխրություն ձեզ՝ Հայաստանը խաղաղ, անկախ ու ինքնիշխան պետություն է և այդ ճանապարհից հետ չի կանգնելու։
