Սերժ Սարգսյանի նամակը՝ ուղղված այլ երկրի ղեկավարի, կհրապարակեմ՝ կտեսնեք. Փաշինյան

Ես նախկինում էլ եմ ասել, որ կհրապարակեմ բանակցային փաստաթղթերը, բայց դրա տերը միայն մենք չենք: Ենթադրվում է, որ մինչև գարվա վերջ ԵԱՀԿ Մինսկի խումբը կլուծարվի և այդ բարոյական և քաղաքական արգելքը կվերանա, ճեպազրույցում ասել է Նիկոլ Փաշինյանը:

«Այսինքն, այդ սուբյեկտը չի լինի, և մենք ազատ կլինենք այդ թղթերը հրապարակել: Իսկ Սերժ Սարգսյանի նամակը՝ ուղղված այլ երկրի ղեկավարի, ես խնդրել եմ գաղտանզերծման գործընթաց լինի, կհրապարակեմ, կտեսնեք»,- նշել է նա:

«Կարևորն այն է, որ կարողացանք կորզել խոստում՝ բանակցային փաստաթղթերը հրապարակելու»,-իր գործով դատական նիստից առաջ ասել էր Սերժ Սարգսյանը՝ անդրադառնալով Փաշինյանի այն հայտարարությանը, որ բանակցային գործընթացի փաստաթղթերը շուտով կհրապարակի: