Ուկրաինական բանակի գլխավոր շտաբի պետ. Ռուսաստանը չի կարողանա գրավել Պոկրովսկը մինչև տարեվերջ

Ռուսաստանը չի կարողանա գրավել Պոկրովսկը մինչև 2025 թվականի վերջը։ Այս մասին LIGA.net-ին տված հարցազրույցում հայտարարել է Ուկրաինայի զինված ուժերի գլխավոր շտաբի պետ Անդրեյ Գնատովը։

Նրա խոսքով՝ ռուսական բանակը կշարունակի հող նախապատրաստել Պոկրովսկի հատվածում հետագա մանիպուլյացիաների համար։ Հակառակորդը չի հրաժարվի Պոկրովսկը գրավելու իր փորձերից. այս տարածքում ներկայումս կենտրոնացած է ավելի քան 100,000 զինվոր։

«Այս փորձերը շարունակվում են ավելի քան մեկ տարի, և ռուսները հետաձգում են քաղաքը գրավելու համար տրված ժամկետները։ Այս ժամկետները շարունակաբար կհետաձգվեն։ Նրանք այժմ այնտեղ կուտակում են բոլոր առկա պաշարները։ Դժվար է կանխատեսել, թե արդյոք նրանք կկարողանան ստեղծել պայմաններ իրավիճակը էլ ավելի բարդացնելու համար», - ասել է Գնատովը։