Ուժգին երկրաշարժը ցնցել է Թուրքիան․ կան փլուզված շենքեր

Թուրքիայում 6.1 մագնիտուդ ուժգնությամբ երկրաշարժ է տեղի ունեցել։

Ցնցումներն զգացվել են Իզմիրում, Ստամբուլում, Բուրսայում և հարակից շրջաններում։  

Էպիկենտրոնը գտնվել է երկրի արևմուտքում՝ Սընդիրից 9 կիլոմետր հեռավորության վրա, որտեղ էլեկտրաէներգիան անջատվել է, և մի քանի շենքեր փլուզվել են։

Տեղական իշխանությունները հայտնել են տեղայնացված վնասների մասին։ Մարդիկ լքել են իրենց տները՝ վախենալով հետցնցումներից և հետագա ավերածություններից։ Արտակարգ իրավիճակների ծառայությունները աշխատում են տեղում։