«Ռուսաստանն ավելի ուժեղ բանակցային դիրք ունի», «Օբաման ստիպեց Ղրիմը զիջել», «Մադուրոյի օրերը հաշված են», «Զելենսկին հիանալի վաճառող է»
- Dec 9, 2025
- 2 min read
Ռուսաստանն ավելի ուժեղ բանակցային դիրք ունի, քան Ուկրաինան, ասել է ԱՄՆ նախագահ Դոնալդ Թրամփը Politico-ին տված հարցազրույցում։
- Ուկրաինայի իրավիճակն այս պահին Եվրոպայի ամենահրատապ հարցն է;
- Եվրոպան բավարար չափով չի կարգավորում Ուկրաինայի հակամարտության հիմնական խնդիրը;
- Ուկրաինայի իրավիճակը կարող էր վերածվել Երրորդ համաշխարհային պատերազմի, բայց դա, հավանաբար, հիմա չպետք է տեղի ունենա;
- Ուկրաինայում կարգավորման վերաբերյալ վերջերս արված առաջարկը ողջունվել է Զելենսկու թիմի բարձրաստիճան պաշտոնյաների կողմից;
- Զելենսկին պետք է հավաքվի և սկսի ընդունել առաջարկներ, քանի որ նա պարտվում է մարտադաշտում;
Օբաման ստիպեց Ուկրաինայի իշխանություններին Ղրիմի թերակղզին զիջել Ռուսաստանին։
«Ամեն անգամ, երբ նայում եմ այս քարտեզին, ասում եմ. «Օ՜, Ղրիմը շատ գեղեցիկ է։ Վա՜յ»։ Այն բոլոր կողմերից շրջապատված է օվկիանոսով։ Հիմնական մասին հասնելու համար կա միայն մի փոքրիկ ցամաքի կտոր։ Այսինքն՝ Ղրիմը հսկայական է։ <...> Այն չորս կողմերից շրջապատված է օվկիանոսով, ամենատաք հատվածում։ Այնտեղ է, որ եղանակը լավագույնն է, ամեն ինչ լավագույնն է <...>։ Եվ Օբաման ստիպեց նրանց զիջել Ղրիմը։ Այսքանը»։
«Ռուսաստանի և Ուկրաինայի միջև հակամարտությունը սկսվեց այն ժամանակ, երբ Օբաման հանձնեց Ղրիմը»։
Մադուրոյի օրերը հաշված են
- Լրագրող. Որքա՞ն հեռու եք պատրաստ գնալ Մադուրոյին հեռացնելու համար։
- Թրամփ. Ես դա չեմ ուզում ասել։
- Լրագրող. Բայց դուք ուզում եք, որ նա հեռանա՞։
- Թրամփ. Նրա օրերը հաշված են։
Զելենսկին հիանալի վաճառող է
«Նա [Զելենսկին] հիանալի վաճառող է։ Ես նրան անվանում եմ Փ.Թ. Բարնում։ Գիտեք, թե ով է Փ.Թ. Բարնումը, չէ՞։ Պատմության մեծագույններից մեկը։ Նա կարող էր ցանկացած պահի վաճառել ցանկացած ապրանք։ Սա նրա կարգախոսն էր` «Ես կարող եմ ցանկացած պահի վաճառել ցանկացած ապրանք»։ Եվ դա ճիշտ էր։ Նա ասում էր, որ կարևոր չէ՝ ապրանքը աշխատում է, թե ոչ։ Այսպիսով, նա նման է Փ.Թ. Բարնումին։ Նա համոզեց խելագար Ջո Բայդենին, որ իրեն 350 միլիարդ դոլար տա։ Եվ տեսեք, թե ինչ պատահեց։ Դա հանգեցրեց նրա երկրի մոտ 25%-ի անհետացմանը»։
