Կտրիճ Ներսիսյանը վերահաստատում է իր ապաեկեղեցական և քաղաքական կեցվածքը․ Եղիազարյան
ՀՀ ԱԺ «Քաղաքացիական պայմանագիր» խմբակցության պատգամավոր Գայանե Եղիազարյանը ֆեյսբուքյան իր էջում գրել է․
«Կտրիճ Ներսիսյանը մի բան լավ չի հասկացել, որ իրեն սատարող քաղաքական ուժերին հավաքելով Մայր Աթոռի բակում, վերահաստատում է իր ապաեկեղեցական և քաղաքական կեցվածքը։
«Ասա՝ ով է ընկերդ, ասեմ՝ ով ես դու» սկզբունքով երեկ կրկին առավել քան ակնհայտ դարձավ, որ Կտրիճն այլևս հավատավոր ժողովրդի հետ կապ չունի, իսկ Մայր Աթոռում ժամերգությունն իրականացրեց աթեիստ Քոչարյանի և դաշնակցության պաշտպանության ներքո` իսկ պաշտպանում էին նրան հավատավոր հոտից։
Կտրիճ Ներսիսյանն իր քաղաքական հովանավորների հետ միասին չգիտակցեց, որ տասը Եպիսկոպոսներն արդեն իսկ պաշտոնական գրությամբ են պահանջել վերջինիս հրաժարականը։
Մայր Աթոռ Սուրբ Էջմիածինը պետք է ծառայի քրիստոնյա ժողովրդին։ Կտրիճն այլընտրանք չունի, հեռանալու է, 2026-ին ընդառաջ իր հետևից տանելով իր քաղաքական հովանավորներին»։
