Քոչարյանը ոչ միայն «Հայաստան» դաշինքի, այլև ողջ ընդդիմության վարչապետի թեկնածուն է․ միանալու են 2 օլիգարխները․ Չախոյան
- 3 hours ago
- 1 min read
ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է առաջիկա ընտրություններում «Հայաստան» դաշինքի վարչապետի թեկնածու Ռոբերտ Քոչարյանին։
«Քոչարյանը ոչ միայն «Հայաստան» դաշինքի, այլև ողջ ընդդիմության վարչապետի թեկնածուն է։
Քոչարյանին են միանալու նաև 2 օլիգարխները՝ քանզի ռուսաստանցի օլիգարխը չի կարող լինել վարչապետ, իսկ տեղականը՝ չի ուզում։
Հիշեցնեմ՝ ընդդիմադիր ուժերից ոչ մեկը մինչ օրս չի հերքել հետընտրական պրոցեսում Քոչարյանին միանալու ու նրան վարչապետ կարգելու սցենարը»,- գրել է Չախոյանը։
Հիշեցնենք՝ Ռոբերտ Քոչարյանն ու ՀՅԴ-ն որոշել են շարունակել համագործակցությունը և առաջիկա ընտրություններին մասնակցելու ենք միասնաբար «Հայաստան» դաշինքով։
«Հայաստան» դաշինքի վարչապետի թեկնածուն Ռոբերտ Քոչարյանն է։
