Եթե ֆուտբոլիստ չլինեի, կդառնայի մատուցող․ Մոդրիչ

Իտալական «Միլանի» փորձառու կիսապաշտպան Լուկա Մոդրիչը պատասխանել է այն հարցին, թե ինչ աշխատանք կկատարեր, եթե չհաջողվեր դառնալ ֆուտբոլիստ։

«Եթե ֆուտբոլիստ չլինեի, կդառնայի մատուցող։ Ես լավ էի դրանում և վայելում էի դա։ Ես սովորել եմ հյուրանոցային ինստիտուտում։ Առաջին տարում մենք պրակտիկա էինք անցնում “Marina di Zara” ռեստորանում, որտեղ հարսանիքներ էին անցկացվում։ Ես խմիչքներ էի մատուցում։ Խորվաթական հարսանիքներում շատ ալկոհոլ են օգտագործում։ Միակ բանը, որ ինձ դուր չէր գալիս, ամաններ լվանալն էր», – ասել է Մոդրիչը Corriere dello Sport-ին տված հարցազրույցում։

40-ամյա խորվաթը իր կարիերայի մեծ մասն անցկացրել է Մադրիդի «Ռեալում», սակայն անցյալ ամռանը տեղափոխվել է «Միլան»։ Կիսապաշտպանը «ռոսոներիի» կազմում մասնակցել է 18 հանդիպման՝ խփելով 1 գոլ և կատարելով 2 գոլային փոխանցում։