Ասկերանի քաղաքապետ Շամիրյանի նկատմամբ որպես խափանման միջոց կիրառվել է տնային կալանքը
Ասկերանի քաղաքապետի նկատմամբ որպես խափանման միջոց է կիրառվել տնային կալանքը։
Այդ մասին հայտնում են նրա պաշտպանները․
«Դատարանը, նախագահությամբ դատավոր Ռ. Մարիկյանի, քննիչի միջնորդությունը բավարարեց մասնակի` մեր պաշտպանյալի` Ասկերանի քաղաքապետ Հայկ Շամիրյանի նկատմամբ կիրառելով որպես խափանման միջոց միայն տնային կալանքը։
Պաշտպաններ`
Վահե Եփրիկյան,Արամ Վարդևանյան»։
Հիշեցնենք, որ Շամիրյանը ձերբակալվել էր երեկ երեկոյան իր բնակարանում։
Այդ մասին ֆեյսբուքյան էջում հայտնել էր փաստաբան Ռուբեն Մելիքյանը՝ նշելով, որ ձերբակալությանը նախորդել էր նրա բնակարանի խուզարկությունը: Ըստ փաստաբանի, դա տեղի է ունեցել «ակնհայտ քաղաքական դրդապատճառներով»։
