Աշխարհի ամենագեղեցիկ գյուղերը (լուսանկարներ)
- Nov 20, 2022
- 2 min read
Lույսերով ու մարդկանցով ողողված քաղաքները զվարճանքի հիանալի վայր են, սակայն փոքր գյուղերն ու գյուղաքաղաքներն էլ ավելի գեղեցիկ և հարմար են յուրահատուկ հանգստի համար:
Աշխարհի տարբեր անկյուններում կարելի է գտնել գողտրիկ գյուղեր, որտեղ կարելի է անցկացնել հետաքրքիր և տարբերվող հանգիստ: Այսօր Ձեզ համար առանձնացրել ենք դրանցից մի քանիսը:
Հոբիթոն, Նոր Զելանդիա
Արհեստական գյուղ՝ ստեղծված «Մատանիների տիրակալը» ֆիլմի նկարահանումների համար: նկարահանումներից հետո, սակայն, որոշվել է «գյուղը» դարձնել զբոսաշրջության վայր:
2. Չինկվե-Տերրե, Իտալիա
Իտալիայի ազգային պարկն իր մեջ ներառում է ձեռակերտ տեռասաներ և հինգ ոչ մեծ բնակավայրեր Լիգուրիա մարզի Սպեցիա գավառում։ Տարածքը գտնվում է Ռիվիերայի արևելյան կողմում: Տեղական հուշարձանները միջնադարի կառույցներ են, 1997 թվականին ընդգրկվել են ՅՈՒՆԵՍԿՕ-ի համաշխարհային ժառանգության ցանկում:
3. Հալշտատ, Ավստրիա
Հալշտատի աղի հանքերն ամենահինն են Եվրոպայում, շահագործվում են ավելի քան 3000 տարի։ Բնակավայրի մասին տեղեկություններ գրավոր աղբյուրներում հայտնվել են 1311 թվականին։ 2012-ին Գուանդուն նահանգի Լոյան քաղաքում Մինիմետալս հանքարդյունաբերական և մետաղների ընկերությունը կառուցել է գյուղի կրկնօրինակը։ Շինարարությունը կազմել է մոտավորապես 700-940 միլիոն ԱՄՆ դոլլար։
4. Օյա, Հունաստան
Փոքր քաղաք և նախկին համայնք՝ Հունաստանի Հարավային Եգեյան կղզիներ պերիֆերիայում, Կիլադների մաս կազմող Սանտորինի կղզու վրա: Օյան նախկինում հայտնի է եղել Ապանո Մերիա անվանմամբ: Հին Հունաստանում Օյան եղել է Հին Թիրայի գլխավոր նավահանգիստներից մեկն, ունեցել է առևտրական կարևոր նշանակություն:
5. Փոփայ, Մալթայի
Դանիական գյուղը 1930-ական թվականներին բնորոշ ոճով կառուցված ձկնորսական ավան է Սվիթհեյվեն անվանմամբ։
6. Շիրակավա-գո և Գոկայամա, Ճապոնիա
Համաշխարհային ժառանգության կառույցներ Ճապոնիայի Գիֆու և Տոյամա պրեֆեկտուրաները գտնվում են Հոնսյու կղզու դժվար հասանելի և լեռնային մասում: Նախկինում ձմռանն այս շրջանը հաճախ էր կտրված լինում մնացյալ Ճապոնիայից։ Պատմական գյուղերը տեղակայված են Սյոգավա գետի հովտում՝ շրջապատված Չուբու լեռներով։
7. Քուա Վան, Վիետնամ
Գեղատեսիլ ձկնորսական գյուղ՝ Վիետնամում: Սա ամենամեծ ձկնորսական լողացող գյուղերից մեկն է, որը գտնվում է հիասքանչ Հալոնգ ծովածոցի ջրերում:
8. Ալբեռոբելլո, Իտալիա
Համայնք՝ իտալական Ապուլիա մարզի Բարի գավառում, որը հայտնի է տրուլլո կոչվող ինքնատիպ շինություններով։ Դրանք 1996-ից ներառված են ՅՈՒՆԵՍԿՕ-ի Համաշխարհային ժառանգության ցանկում։
9. Խուսկար, Իսպանիա
Գտնվում է Մալագա պրովինցիայում․ գունավոր կտուրներով, տարբերվող հանգստի վայր՝ աշխարհի անկյուններից մեկում:
10. Իվուար, Ֆրանսիա
Միջնադարյան գողտրիկ Իվուար գյուղը գտնվում է Ժնև լճի ֆրանսիական ափին։ Այստեղ ամեն ինչ կոմպակտ է և աներևակայելի գեղեցիկ․ միջնադարյան ճարտարապետություն, նեղ փողոցներ, գունագեղ հուշանվերների խանութներ, տեղական ռեստորաններ և ընդամենը 5 հյուրանոց, որտեղ զբոսաշրջիկներ են գալիս ամբողջ աշխարհից:
