Աշոտ Երկաթի գրավը վճարելու հետ կապված խնդիր կա. փաստաբան
- Nov 20, 2022
- 1 min read
Ինչպես արդեն հայտնել ենք, Սյունիքի մարզի ընդհանուր իրավասությունների դատարանը հրապարակեց «Սիսական» ջոկատի հրամանատար Աշոտ Մինասյանի գործով վճիռը։ Դատարանի որոշմամբ՝ Աշոտ Մինասյանի խափանման միջոց կալանավորումը փոխվեց 2 մլն դրամ գրավով և չհեռանալու մասին ստորագրությամբ։
Լրագրողների հետ զրույցում Մինասյանի փաստաբան Միհրան Պողոսյանը հայտնեց, որ տեխնիկական խնդիր կա գրավի վճարման հետ կապված։
«Մենք պետք է ներկայացնենք վճարումը հավաստող փաստաթղթի բնօրինակը, մենք կարող ենք օնլայն վճարում անել, բայց այս պարագայում անդորագիրը պարտադիր է ներկայացնել, իսկ Գորիս քաղաքում մի փոքր ավելի դժվար է այս ժամին նման վճարում անելը, խնդիրը շատ տեխնիկական է և մարզերում իրականում այս խնդիրը շատ լուրջ է, բայց չեմ կարծում, որ այս դարում նման տեխնիկական խնդրի պատճառով անձը անազատության մեջ կմնա, փորձում ենք կարգավորել», - ասաց Պողոսյանը»։
