Նորվեգիան Ուկրաինային 14 կործանիչ կփոխանցի՝ խոստացած 6-ի փոխարեն

Նորվեգիան նախատեսում է Ուկրաինային երկու անգամ ավելի շատ F-16 կործանիչներ փոխանցել, քան նախկինում խոստացել էր։ Այս մասին հայտնում են ուկրաինական լրատվամիջոցները՝ վկայակոչելով սովորական սպառազինությունների ներմուծման և արտահանման մասին պետության տարեկան զեկույցը։

Նշվում է, որ Նորվեգիան տեղափոխման համար ընդհանուր առմամբ պատրաստում է 14 կործանիչ, թեպետ պաշտոնապես հայտարարվել է 6-ի մատակարարման մասին։ Մնացած, չհայտարարված ինքնաթիռների վիճակը անհայտ է։

Նորվեգիայի կողմից F-16-ի մատակարարման ժամկետները նույնպես անհայտ են, սակայն երկիրը խոստացել է կործանիչները Կիևին հասցնել մինչև 2025 թվականի վերջ: Զեկույցում նշվում է նաև 20 Dingo 2 զրահամեքենայի (Գերմանիայում արտադրված) և նորվեգական երկու NM189 ինժեներական մեքենայի՝ Ուկրաինային փոխանցման մասին: