Երկրագնդի բնակչությունը մեկ տարվա ընթացքում մեկ լրացուցիչ ամիս շոգի է բախվել

Անցած տարվա ընթացքում երկրագնդի բնակչության մոտ կեսն առնվազն 30 օր ծայրահեղ շոգի ավելացման ժամանակաշրջաններ է բախվել։ Բացահայտման մասին հաղորդվել է Նյու Ջերսիում գործող Climate Central-ի՝ գիտնականների անկախ խմբի զեկույցում։

«12 ամսվա ընթացքում (2024 թվականի մայիսից մինչև 2025 թվականի մայիսը) 4 միլիարդ մարդ՝ երկրագնդի բնակչության մոտ 49%-ը, առնվազն 30 լրացուցիչ օր ծայրահեղ շոգ կզգա, որի դեպքում ջերմաստիճանը կգերազանցի 1991-2020 թվականներին իրենց տարածքում դիտված ջերմաստիճանների 90%-ը՝ մարդածին կլիմայի փոփոխության պատճառով», -ասված է Climate Central-ի մամուլի հաղորդագրության մեջ։

Հետազոտության հեղինակները բացահայտել են 67 ծայրահեղ ջերմային ալիք, որոնց թվում՝ Միջերկրածովյան տարածաշրջանում 2024 թվականի հուլիսին, Մեքսիկայում և Միացյալ Նահանգներում՝ 2024 թվականի հունիսին, Հարավային Սուդանում՝ 2025 թվականի փետրվարին և Կենտրոնական Ասիայում՝ 2025 թվականի մարտին։ Գիտնականների կարծիքով՝ ջերմաստիճանի ցուցանիշների գերազանցման բոլոր դեպքերը գլոբալ տաքացման հետևանք են եղել։ Նշվում է, որ դիտարկվող 232 երկրներից 195-ում չափազանց շոգ օրերի թիվը ներկա կլիմայի փոփոխությունից առաջ եղած մակարդակների համեմատ կրկնապատկվել է։

Եվրոպական կլիմայի փոփոխության գրասենյակի՝ Copernicus-ի կանխատեսմամբ՝ 2024 թվականը կլինի ամենատաք տարին պատմության մեջ։ Առաջին անգամ համաշխարհային միջին ջերմաստիճանը գերազանցել է նախարդյունաբերական մակարդակից 1,5 աստիճանով ըստ Ցելսիուսի, իսկ ծովի մակերևույթի միջին տարեկան ջերմաստիճանը հասավ ռեկորդային 20,87 աստիճանի ըստ Ցելսիուսի։