Նարեկ Դավթյանը ձյուդոյի աշխարհի առաջնության U17 տարիքային խմբում նվաճել է արծաթե մեդալ
- 14 hours ago
- 1 min read
Օգոստոսի 21-ին Էկվադորի Գուայաքիլ քաղաքում մեկնարկել է 2026 թվականի ձյուդոյի աշխարհի առաջնությունը՝ մինչև 17 տարեկան մարզիկների շրջանում։ Մրցումների առաջին օրը Հայաստանի հավաքականից դուրս են եկել երեք մարզիկներ։ Լավագույն արդյունքը գրանցել է Նարեկ Դավթյանը՝ մինչև 55 կգ քաշային կարգում նվաճելով արծաթե մեդալ։
Դավթյանը մրցաշարը սկսել է Մեքսիկայի ներկայացուցչի նկատմամբ հաղթանակով։ Այնուհետև հայ ձյուդոիստը հերթականությամբ հաղթել է Ֆրանսիայի և Ադրբեջանի ներկայացուցիչներին, իսկ կիսաեզրափակչում առավելության հասել ուկրաինացի մարզիկի նկատմամբ։
Եզրափակչում Նարեկը հանդիպել է ԱՄՆ ներկայացուցիչ Սեբաստիան Տերանին։ Վճռորոշ մենամարտը լարված պայքարում անցել և ավարտվել է ամերիկացի մարզիկի նվազագույն առավելությամբ:
Աշխարհի առաջնության արծաթե մեդալը Նարեկ Դավթյանի համար առաջին մեդալն է միջազգային մրցաշարերում։
Հայաստանի մյուս երկու ներկայացուցիչներն իրենց ելույթներն ավարտել են մրցումների վաղ փուլերում։
