Իրանի բանակը 1000 ժամանակակից անօդաչու թռչող սարք է ստացել
- Investigative journalist
- Jan 9
- 1 min read
Իրանի բանակը հայտարարել է, որ իր զորքերը ստացել են խելացի գործառույթներով հագեցած 1000 ժամանակակից անօդաչու թռչող սարքեր, հայտնում է Mehr-ը։
Իրանի Իսլամական Հանրապետությունը կկարողանա օգտագործել տեղական արտադրության 1000 ամենաառաջադեմ անօդաչու թռչող սարքերը, ասվում է երկրի բանակի հայտարարության մեջ՝ կապված Իրանում անցկացվող Payambar-e-Azam (Մեծ Մարգարե) 19 զորավարժությունների հետ:
«Իրանի զինվորականները միշտ ձգտել են ավելի շատ կարողություններ ձեռք բերել ցանկացած սպառնալիքի դեմ պայքարելու համար»,- ասվում է հայտարարության մեջ:
Բանակը և Իսլամական հեղափոխության պահապանների կորպուսը անցկացրել են «Փայամբար-է-Ազամ 19» կոչվող համատեղ զորավարժություն, որը ամենամյա «Սիլա» զորավարժությունների մաս է կազմում։
Զորավարժությունների նպատակն է բարձրացնել մարտունակությունը և բարելավել հնարավոր սպառնալիքները բացահայտելու և հակազդելու կարողությունը, գրում են իրանական լրատվամիջոցները։
