Օրբանը կհանդիպի Մակրոնի հետ՝ քննարկելու համար Ուկրաինայի շուրջ ստեղծված իրավիճակը
- Investigative journalist
- Mar 4
- 1 min read
Հունգարիայի վարչապետ Վիկտոր Օրբանը հայտարարել է, որ չորեքշաբթի կհանդիպի Ֆրանսիայի նախագահ Էմանուել Մակրոնի հետ՝ քննարկելու համար Ուկրաինան՝ հինգշաբթի նախատեսված Եվրամիության առաջնորդների արտակարգ գագաթնաժողովից առաջ, հայտնում է Reuters-ը։
Օրբանը նաև հայտարարել է, որ հինգշաբթի անցկացված գագաթնաժողովում ավելի շատ հնարավորություններ է տեսնում ԵՄ-ի ընդհանուր անվտանգության ոլորտում համագործակցելու ուղիներ գտնելու, քան Ուկրաինայի հարցում: Պատասխանելով լրագրողի հարցին՝ Օրբանը հաստատել է, որ կիրակի օրը հեռախոսազրույց է ունեցել ԱՄՆ նախագահ Դոնալդ Թրամփի հետ, և նրանք քննարկել են «ամեն ինչ»։
Ավելի վաղ հայտնի էր դարձել, որ Հունգարիան արգելափակել է ԵՄ փաստաթղթի նախագիծը, որը Ուկրաինայի անվտանգության երաշխիքներ և ռազմական օգնության նոր փաթեթ է նախատեսում։
Ուրբաթ ԵՄ դեսպանների հանդիպման ժամանակ Հունգարիան արգելափակեց Ուկրաինայի վերաբերյալ տեքստի նախագիծը, որը ներառում էր Կիևին Եվրամիության ներկայացվելիք անվտանգության երաշխիքների մասին բանաձև, ինչպես նաև ռազմական օգնության նոր փաթեթ:
Որոշումը ԵՄ երկրների միջև ավելի լայն տարաձայնությունների մի մասն էր, թե ինչպես աջակցել Ուկրաինային պատերազմի պայմաններում:
Սլովակիայի վարչապետ Ռոբերտ Ֆիցոն իր հերթին հայտարարել է, որ իր երկիրը կհրաժարվի Ուկրաինային հետագա ֆինանսական կամ ռազմական օգնություն տրամադրելուց:
Նա նաև մերժել է այսպես կոչված «խաղաղությունը ուժի միջոցով» բանաձևը, որը, նրա կարծիքով, անիրատեսական քաղաքականություն է։
