Աջակցում ենք Հրվ. Կովկասում արդար և կայուն խաղաղության հաստատմանը` հիմնված սահմանների անձեռնմխելիության և տարածքային ամբողջականության վրա. Բայդենի և Մակրոնի համատեղ հայտարարությունը

Միացյալ Նահանգները և Ֆրանսիան աջակցում են Հարավային Կովկասում արդար և կայուն խաղաղության հաստատմանը` հիմնված միջազգային իրավունքի, ինչպես նաև ինքնիշխանության, սահմանների անձեռնմխելիության և տարածքային ամբողջականության սկզբունքների վրա: Այս մասին ասվում է ԱՄՆ նախագահ Ջո Բայդենի և Ֆրանսիայի նախագահ Էմանուել Մակրոնի համատեղ հայտարարության մեջ:

Դրանում նշվում է, որ Վաշինգտոնն ու Փարիզն աջակցում են Հարավային Կովկասում հետագա տարածաշրջանային ինտեգրացիային՝ ի շահ տարածաշրջանի բոլոր ժողովուրդների: