Աբխազիայում ցուցարարները մերժել են Բժանիայի՝ ընտրություններ անցկացնելու առաջարկը․ մանրամասներ

Աբխազիայի վարչականի շենքի մոտ հավաքված ցուցարարները մերժել են Բժանիայի՝ արտահերթ ընտրություններ անցկացնելու առաջարկն ու հրաժարվել են լքել կառավարական համալիրը, հայտնել է «ՌԻԱ Նովոստի»-ի թղթակիցը։

Ավելի վաղ Աբխազիայի ղեկավար Ասլան Բժանիան հայտարարել էր, որ պատրաստ է հրաժարական տալ այն բանից հետո, երբ ցուցարարները լքեն կառավարության շենքերը

Նա նշել էր, որ հրաժարականից հետո էլ պատրաստ է առաջադրվել նախագահական ընտրություններում։

«Եվ թող ժողովուրդն ասի, թե ում է սատարում»,- ասել էր նա։

Ընդդիմությունը ցույցեր է սկսել այն բանից հետո, երբ Աբխազիայի իշխանությունները առաջարկել են վավերացնել Մոսկվայի և Սուխումի միջև ներդրումային համաձայնագրի մասին օրենքը։ Ըստ ցուցարարների՝ դա կհանգեցնի նրան, որ հանրապետությունում բնակարանների գները կբարձրանան, քանի որ ռուսական ընկերություններն են սկսելու բնակարաններ կառուցել։