ՀՀ ԱԳ նախարարի տեղակալը և Բենինի ԱԳՆ գլխավոր քարտուղարը քննարկել են տարածաշրջանային զարգացումները
- Investigative journalist
- 2 days ago
- 1 min read
Մայիսի 27-ին «Երևանյան երկխոսություն» ֆորումի շրջանակներում Հայաստանի Հանրապետության և Բենինի Հանրապետության արտաքին գործերի նախարարությունների միջև տեղի են ունեցել քաղաքական խորհրդակցություններ։ Պատվիրակությունները գլխավորում էին ՀՀ արտաքին գործերի նախարարի տեղակալ Վահան Կոստանյանը և Բենինի արտաքին գործերի նախարարության գլխավոր քարտուղար Ֆրանկ Արմել Աֆուկուն։ Այդ մասին հայտնում են ԱԳՆ-ից:
Խորհրդակցությունների ընթացքում կողմերն անդրադարձել են երկկողմ հարաբերությունների լայն շրջանակի, այդ թվում՝ կրթության, տեղեկատվական տեխնոլոգիաների, առողջապահության, գյուղատնտեսության, կարողությունների զարգացման և առևտրատնտեսական կապերի ակտիվացման ոլորտներում համագործակցության խորացման հեռանկարներին։
Զրուցակիցները գոհունակությամբ նշել են միջազգային կազմակերպությունների շրջանակներում առկա սերտ համագործակցությունը և մտքեր փոխանակել այն առավել խորացնելու վերաբերյալ։
Կողմերը քննարկել են նաև տարածաշրջանային զարգացումները Հարավային Կովկասում և Անդրսահարյան Աֆրիկայում։
