Թրամփ-Պուտին հեռախոսազրույցն ավարտվել է. Պուտինն առաջին մեկնաբանություններն է արել
- Investigative journalist
- May 19
- 1 min read
Ռուսաստանի նախագահ Վլադիմիր Պուտինը Սպիտակ տան ղեկավար Դոնալդ Թրամփի հետ զրույցն ավարտելուց հետո ռուսական լրատվամիջոցների առջև հանդես է եկել մեկնաբանություններով։ Նրա խոսքով՝ զրույցը եղել է «անկեղծ և բովանդակալից»։
Ըստ ռուսական լրատվամիջոցների՝ հեռախոսազրույցը տևել է ավելի քան 2 ժամ:
Ուկրաինայի հետ հրադադարը հնարավոր է համապատասխան պայմանավորվածությունների ձեռքբերմամբ, ասել է Պուտինը՝ հավելելով որ Ռուսաստանի Դաշնության և Ուկրաինայի միջև հուշագիրը կարող է ներառել հրադադարի և կարգավորման սկզբունքների հարցեր:
Նա նաև նշել է, որ Ռուսաստանի Դաշնությունը և Ուկրաինան պետք է փոխզիջումներ գտնեն, որոնք ձեռնտու կլինեն երկու կողմերին:
«Ստամբուլում շփումների վերականգնումը վկայում է այն մասին, որ կողմերը «ընդհանուր առմամբ ճիշտ ուղու վրա են», - ընդգծել է Պուտինը:
Նա նաև բարձր է գնահատել Թրամփի հետ զրույցը՝ այն անվանելով կառուցողական զրույց:
