Ո՞ր մտքերն են, որ վերագրելի են Հայաստանյաց Առաքելական Սուրբ Եկեղեցուն. եթե ոչ օրհնանքի խոսքերը, ապա նզո՞վքը. Խաչատրյան

«Հասարակության լայն շերտերի շրջանում զարմանք, վրդովմունք և հիսաթափություն է առաջացրել Մայր Աթոռ Սուրբ Էջմիածնի Տեղեկատվական համակարգի արձագանքը Բալթյան երկրների հայոց թեմի առաջնորդ Տ․ Վազգեն արքեպիսկոպոս Միրզախանյանի խոսքերին։

Շատերի համար անհասկանալի է մնացել, թե թեմակալի արտահայտած ո՞ր մտքերն ու դատողություններն են, որ «սուբյեկտիվ են, անհատական և վերագրելի չեն եկեղեցուն»։ 

Այդ դեպքում ո՞ր մտքերն են, որ վերագրելի  են Հայաստանյաց Առաքելական Սուրբ Եկեղեցուն։ 

Եթե ոչ խաղաղության և հաշտության ծրագրերը, ուրեմն պատերազմներն ու խռովություննե՞րը։   

Եթե ոչ մեր երկրի ապագան քրիստոնեական գեղեցիկ միջավայրում տեսնել ցանկանալը, ապա խավարի և անաստվածության մեջ խարխափե՞լը։ 

Եթե ոչ խաղաղ համագործակցությամբ մեր ժողովրդի համար լավ, գեղեցիկ ապագա ապահովելու ցանկությունը, ապա խաբեություններով և խարդավանքներով դեպի քաոս և անորոշություն տանե՞լը։ 

Եվ եթե ոչ օրհնանքի խոսքերը, ապա նզո՞վքը»։