Պուտին․ «Հյուսիսային հոսք»-ի երկրորդ ճյուղն ի սկզբանե կարող էր անցնել Լեհաստանի տարածքով
- 8 hours ago
- 1 min read
Ռուսաստանի նախագահ Վլադիմիր Պուտինը հայտարարել է, որ «Հյուսիսային հոսք» գազատարի երկրորդ ճյուղը ի սկզբանե կարող էր անցնել Լեհաստանի տարածքով։ Ըստ նրա, լեհական տարածքում նույնիսկ սկսվել էր դրա կառուցման համար անհրաժեշտ ենթակառուցվածքների նախապատրաստումը, տեղեկացնում է «Коммерсантъ»-ը։
«Вести» լրատվական ծառայությանը տված հարցազրույցում Պուտինը հիշեցրել է, որ ռուսաստանյան գազն արդեն մատակարարվում էր Եվրոպա Լեհաստանի միջոցով՝ «Յամալ — Եվրոպա» գազատարով։ ա նշել է, որ սկզբնական շրջանում նախատեսվում էր լեհական երթուղին օգտագործել նաև երկրորդ գծի համար։
Սակայն հետագայում որոշում է կայացվել փոխել նախագիծը և գազատարը անցկացնել Բալթիկ ծովի հատակով։ Ռուսաստանի նախագահը դա բացատրել է ռիսկերը նվազեցնելու և մատակարարումների անվտանգությունը բարձրացնելու ձգտմամբ։
Ըստ Պուտինի, լեհական իշխանությունները դեմ էին երթուղու փոփոխությանը, քանի որ ծովային ուղին Լեհաստանին զրկում էր տրանզիտային եկամուտների մի մասից և նվազեցնում նրա աշխարհատնտեսական նշանակությունը՝ որպես երկիր, որի տարածքով անցնում էին ռուսաստանյան էներգամատակարարումները։
«Լեհաստանը պակաս էր ստանում, ըստ էության, այդպես էլ ստացվեց՝ սկսեց պակաս եկամուտներ ստանալ մեր ածխաջրածինների տրանզիտից»,- ասել է նա։
