Ոչնչացվել է Իրանի Իսֆահան քաղաքի մետաղական ուրան արտադրող գործարանը․ Իսրայելի ՊԲ

Իսրայելի զինված ուժերը հարվածներ են հասցրել Իրանի Իսֆահան քաղաքում գտնվող օբյեկտներին, այս մասին հայտնում է  Իսրայելի պաշտպանության բանակի (ՑԱՀԱԼ) մամուլի ծառայությունը։

Ըստ տրամադրված տեղեկատվության, գործողության հիմնական նպատակը եղել է մետաղական ուրան արտադրող օբյեկտների և հարստացված ուրան մշակող ենթակառուցվածքների ոչնչացումը։ Բացի այդ, հարվածները վնասել են նաև Իսֆահանում գտնվող միջուկային լաբորատորիան։

Մամուլի ծառայության հայտարարության մեջ ընդգծվում է, որ Իսրայելի ռազմաօդային ուժերը շարունակում են հարվածներ հասցնել՝ Իրանից եկող սպառնալիքները վերացնելու նպատակով։

Ավելի վաղ հաղորդվել էր, որ Իսֆահանում՝ Իրանի կարևորագույն միջուկային օբյեկտներից մեկում, տեղի են ունեցել երկու ուժգին պայթյուններ։ Տարածքում ակտիվորեն գործել է հակաօդային պաշտպանության համակարգը։