Մհեր Գրիգորյանը և Ալեքսանդր Թիմանը մտքեր են փոխանակել Հայաստանում ներդրումային միջավայրի բարելավման շուրջ
- Investigative journalist
- 6 hours ago
- 1 min read
Փոխվարչապետ Մհեր Գրիգորյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության նորանշանակ ղեկավար Ալեքսանդր Թիմանին: Այդ մասին հայտնում են Կառավարությունից:
Հանդիպման սկզբում փոխվարչապետը կարևորել է ԱՄՀ հետ համագործակցությունը՝ ընդգծելով ընթացիկ 3-ամյա Պահուստային ծրագրում ընդգրկված միջոցառումների նշանակությունը Կառավարության կողմից իրականացվող բարեփոխումների շրջանակներում:
Զրուցակիցները քննարկել են կապիտալի շուկային, կանխիկի կրճատմանը, էլեկտրոնային առևտրին և թվայնացմանը վերաբերող հարցեր: Մտքեր են փոխանակվել երկրում ներդրումային միջավայրի բարելավման, այդ թվում՝ որակի ստանդարտների ներդրման ուղղությամբ հնարավոր բարեփոխումների շուրջ:
