Ռումինիայի նախագահը հայտարարել է հրաժարականի մասին

Ռումինիայի նախագահ Կլաուս Յոհանիսը հայտարարել է, որ հրաժարական կտա փետրվարի 12-ին։ Ռումինիայի ընդդիմադիր կուսակցությունները մտադիր էին այսօր խորհրդարանում գրանցել նրա իմփիչմենթի հարցը։Նախագահի պաշտոնում Յոհանիսի մանդատը ավարտվել է դեկտեմբերի 21-ին՝ ընտրությունների չեղարկման ֆոնին։ Այդ ժամանակվանից նա շարունակում է պաշտոնավարել մինչև երկրի նոր ղեկավարի ընտրությունը։

Ռումինիայում նախագահական ընտրությունները նշանակված են մայիսի 4-ին, իսկ Յոհանիսն ավելի վաղ հայտնել էր, որ հրաժարական տալու մտադրություն չունի։