Հնդկաստանում տեղի է ունենում 600 միլիոն դոլարանոց «դարի հարսանիքը»

Մումբայում երկու օր  է տեղի ունենում մոլորակի ամենահարուստ մարդկանցից մեկի որդու՝ Անանտ Ամբանիի  և խոշոր դեղագործական ընկերության սեփականատրոջ դստեր՝ Ռադիկա Մերչանտի հարսանեկան արարողությունը։ Լրատվամիջոցներն արդեն միջոցառումն անվանել են «դարի հարսանիք»։

The Guardian-ի գնահատմամբ՝ Ասիայի ամենահարուստ մարդու որդու հարսանիքը արժեցել է ավելի քան 600 միլիոն դոլար։ Սա գործարարի կարողության մոտավորապես 0,5%-ն է։

Միջոցառումն անցկացվում է մի վայրում, որտեղ կարող է տեղավորվել ավելի քան 16000 մարդ: Տոնակատարությանը հրավիրված հյուրերի և արտիստների համար տրամադրվել է չորս մասնավոր ինքնաթիռ։ Հյուրերի թվում էին Քարդաշյան քույրերը, Մեծ Բրիտանիայի նախկին վարչապետներ Թոնի Բլեերը և Բորիս Ջոնսոնը, ըմբիշ Ջոն Սինան և այլն։ Հարսանեկան արարողությունը տեղի է ունեցել ուրբաթ օրը, պսակադրությունը՝ շաբաթ օրը, իսկ այսօր հարսանեկան հյուրասիրություն, որը կեզրափակի տոնակատարությունը։