Ալեն Սիմոնյանը հայց է ներկայացրել՝ ընդդեմ Վազգեն Սաղաթելյանի
- Investigative journalist
- Aug 7
- 1 min read
Ալեն Սիմոնյանը դատի է տվել «Իմնեմնիմի» փոդքասթի համահեղինակ Վազգեն Սաղաթելյանին։ Ալեն Սիմոնյանը Երևանի ընդհանուր իրավասության քաղաքացիական դատարան ներկայացված հայցադիմումով պահանջում է պատվին և արժանապատվությանը պատճառված վնասի հատուցում։ «Դատալեքս»-ում առկա տեղեկության համաձայն՝ հայցադիմումը դատարան մուտքագրվել է երեկ՝ օգոստոսի 6-ին և նույն օրը մակագրվել դատավոր Արմինե Սաֆարյանին։ Դեռևս առկա չէ տեղեկություն՝ հայցը վարույթ ընդունելու վերաբերյալ։
Վազգեն Սաղաթելյանի դեմ հայց ներկայացրել է նաև ՔՊ-ական պատգամավոր Արուսյակ Մանավազյանը՝ պահանջելով հերքել զրպարտություն համարվող տեղեկությունները, ինչպես նաև փոխհատուցում՝ 1 մլն դրամի չափով։ Այս հայցադիմումը մակագրվել է Երևանի ընդհանուր իրավասության քաղաքացիական դատարանի դատավոր Սարգիս Արմենակյանին։
Նշենք, որ ՔՊ-ականների ներկայացված հայցերի առիթը եղել է «Իմնեմնիմի» փոդքաստի եթերում ՔՊ-ական պաշտոնյաների անձնական կյանքին վերաբերող և սիրային ենթադրյալ կապերի մասին հայտարարություն-բացահայտումները։
