«ՌԴ-ն պատասխանել է առաջնորդների մակարդակով հանդիպման պատրաստակամության վերաբերյալ Զելենսկու հայտարարությանը

Զելենսկու պատրաստակամությունըառաջնորդների մակարդակով հանդիպման համար չի նշանակում նրա պատրաստակամությունը՝ քննարկելու Ռուսաստանի առաջարկները։ Այս կարծիքն է հայտնել Պետդումայի միջազգային հարցերով հանձնաժողովի նախագահի առաջին տեղակալ Ալեքսեյ Չեպան Lenta.ru-ի հետ զրույցում:

«Մենք մեր պատրաստակամության մասին վաղուց ենք հայտարարում, բայց Զելենսկու պատրաստակամությունը հանդիպմանը չի նշանակում նրա պատրաստակամությունը՝ քննարկելու այն առաջարկները, որոնք մենք տվել ենք։ Նրա հայտարարությունն ավելի շատ PR բնույթ է կրում։ Առայժմ հստակություն չկա բարձր մակարդակի հանդիպման համար։ Ուստի, կարծում եմ, որ Զելենսկու հայտարարությունը միայն հայտարարություն է», - նշել է նա։