ԿԸՀ-ն քննարկել և որոշել է «Հայաքվե»-ի, Թաթոյանի և «Պառլամենտարիզմի զարգացման միջազգային կենտրոն» դիտորդական առաքելություններին չզրկել դիտորդության իրավունքից
- Investigative journalist
- Nov 16
- 1 min read
ԿԸՀ-ն երկարատև՝ 10 ժամ տևած նիստում քննարկել և որոշել է «Հայաքվե», «Իրավունքի և արդարության կենտրոն Թաթոյան» հիմնադրամ և «Պառլամենտարիզմի զարգացման միջազգային կենտրոն» դիտորդական առաքելություններին չզրկել դիտորդության իրավունքից։
Այս մասին հայտնել է «Անկախ դիտորդ» նախաձեռնության ներկայացուցիչ Դանիել Իոաննիսյանը՝ նշելով, որ հանձնաժողովը արձանագրել է, որ նշված առաքելությունները խնդրահարույց արարքներ են արել։
««Հայաքվե» առաքելությունը համաձայնեց, որ այն դիտորդները, ովքեր արել են վիճելի հայտարարություններ, չեն մեկնի ընտրական տեղամասեր», - նշել է նա։
Նշենք, որ «Անկախ դիտորդ» և «Ականատես» առաքելությունների դիմումներով ԿԸՀ-ն քննարկել է դիտորդական առաքելություններին կողմնակալության հիմքով հավատարմագրումից զրկելու հարցը։
