ՑԱԽԱԼ-ը հայտնել է «Հեզբոլլահի» կանխարգելիչ անվտանգության ստորաբաժանման հրամանատարի սպանության մասին

Իսրայելական բանակը (ՑԱԽԱԼ) հայտնել է, որ լիբանանյան «Հեզբոլլահի» բարձրաստիճան ներկայացուցիչ Նաբիլ Կաուկը սպանվել է անցյալ գիշեր Լիբանանի մայրաքաղաք Բեյրութի ավիահարվածի հետևանքով։

ՑԱԽԱԼ-ի հայտարարության համաձայն, Կաուկը եղել է «կանխարգելիչ անվտանգության ստորաբաժանման» հրամանատարը և «Հեզբոլլահի» կենտրոնական խորհրդի բարձրաստիճան անդամը։

Ըստ իսրայելական բանակի հայտարարության, Կաուկը համարվում էր շարժման ղեկավարության մերձավորը և անմիջական մասնակցություն է ունեցել Իսրայելի դեմ հարձակումների նախապատրաստմանը, այդ թվում՝ վերջին օրերին։