ՀՀ վարչապետ Նիկոլ Փաշինյանը կայցելի Թուրքիա. ԱԺ նախագահ

ՀՀ վարչապետ Նիկոլ Փաշինյանը կայցելի Թուրքիա. լրագրողների հետ ճեպազրույցում հաստատել է ԱԺ նախագահ Ալեն Սիմոնյանը։ 

«Պատերազմի հետ կապված ռիսկերն այսօր մինիմալ են, և մենք պետք է աշխատենք, որ ընդհանրապես այն չեզոքացնենք, և Կառավարությունն այդ ուղղությամբ գործուն քայլեր է անում։ Ես համարում եմ, որ նման գործուն քայլերից մեկը վարչապետի՝ նախատեսվող այցն է Թուրքիա։ Այո, հաստատում եմ։ Այդ այցը պատմական է, քանի որ ՀՀ վարչապետը առաջին անգամ նման մակարդակի այց է իրականացնելու։ Երկկողմ այց է, հրավեր է արվել նախագահի կողմից, և հենց այդ ֆորմատով է լինելու»,- ասել է Սիմոնյանը։