Չինաստանում հայտնաբերվել է նոր կորոնավիրուս, որը կարող է վարակել մարդկանց

Չինացի վիրուսաբանները հայտնաբերել են չղջիկների նոր կորոնավիրուս, որը կարող է մարդկանց վարակել այնպես, ինչպես COVID19-ը։ Այս մասին հայտնել է «South China Morning Post»-ը։

Այս վիրուսը HKU5 կորոնավիրուսի նոր շառավիղն է, որն առաջին անգամ հայտնաբերվել է Հոնկոնգում ճապոնական չղջիկի մեջ։

Գուանչժոուի լաբորատորիայում հետազոտությունն անցկացրել են Չինաստանի Գիտությունների ակադեմիայի Գուանչժոուի մասնաճյուղի, Ուհանի համալսարանի և Ուհանի վիրուսաբանության ինստիտուտի մասնագետները։

Վիրուսաբանները նշել են, որ չղջիկների նմուշներից մեկուսացված նոր վիրուսը կարող է վարակել մարդու բջիջները։

Գիտնականները նշել են, որ խուճապի մատնվելու պատճառ դեռ չկա։ Մարդկանց մեջ «HKU5-CoV-2»-ի առաջացման վտանգը չպետք է չափազանցված լինի, բայց անհրաժեշտ է ավելի մանրամասն ուսումնասիրություն: