Մելանյա Թրամփը անտեսում է իր ամուսնուն և ԱՄՆ առաջին տիկնոջ կարգավիճակը․ El Periodico

ԱՄՆ նախագահ Դոնալդ Թրամփի կինը՝ Մելանյան, հազվադեպ է ուղեկցում նրան հանրային միջոցառումներին։ Այս մասին հայտնում է իսպանական «El Periodico» թերթը՝ հղում անելով անանուն աղբյուրներին։

«El Periodico» հրատարակությունը նշում է, որ Հուլիսի 4-ին Անկախության օրվա տոնակատարությանը ներկա գտնվելուց հետո Թրամփը գրեթե չի մասնակցել պաշտոնական միջոցառումներին։ Աղբյուրների համաձայն՝ նա հիմնականում գտնվում է Ֆլորիդայի Մար-ա-Լագո նստավայրում կամ Նյու Յորքի իր բնակարանում։

Ըստ «El Periodico»-ի՝ վերջին մեկ տարվա ընթացքում Մելանյա Թրամփը պաշտոնական կարգավիճակով միջոցառումներին մասնակցել է ընդամենը 14 անգամ։ Հրապարակման մեջ ընդգծվում է, որ փորձագետները դա գնահատում են որպես առաջին տիկնոջ պարտականությունների չկատարում։