«Հայաստանի և Ադրբեջանի միջև 32 տարվա հակամարտությունը կարգավորել ենք 1 ժամում». Թրամփը շնորհակալություն է հայտնել Փաշինյանին
- Investigative journalist
- Oct 14
- 1 min read
ԱՄՆ նախագահ Դոնալդ Թրամփը հայտարարել է, որ Հայաստանի և Ադրբեջանի միջև 32 տարվա հակամարտության կարգավորումը ձեռք է բերվել մեկ ժամվա ընթացքում։ Նա այս հայտարարությունն արել է Եգիպտոսի Շարմ էլ Շեյխ քաղաքում Գազայի խաղաղության գագաթնաժողովի ժամանակ։
«Դուք դեռ իրար լավ եք հասկանում, այո՞։ Մենք 32 տարի պայքարել ենք և մոտ մեկ ժամում հաշտվել ենք, ճի՞շտ է։ Եվ հիմա դուք միմյանց դուր եք գալիս։ Ես ուզում եմ շնորհակալություն հայտնել, որ դուք այստեղ եք»,- ասել է Թրամփը՝ դիմելով Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին։
Հիշեցնենք, որ Եգիպտոսի գագաթնաժողովում Թրամփը ստորագրել է համաձայնագիր Գազայի հատվածում հակամարտության դադարեցման մասին։ Ելույթ ունենալով համաշխարհային առաջնորդների առջև՝ ԱՄՆ նախագահը նշել է, որ համաձայնագրի ստորագրումը նշանակում է տարածաշրջանում խաղաղության հաստատում։
