Որքա՞ն հիմա արժեն ֆուտբոլիստները. Սաուդյան Արաբիան ցանկանում է ձեռք բերել Մադրիդի «Ռեալի» աստղին ավելի քան 1 միլիարդ դոլարով
- Investigative journalist
- Aug 20, 2024
- 1 min read
Մադրիդի «Ռեալի» աստղ Վինիսիուս Ժունիորին առաջարկվել է ավելի քան 1 միլիարդ դոլար արժողությամբ շահութաբեր գործարք Սաուդյան Արաբիային միանալու համար, հայտնում են Reuters-ը եւ ESPN-ը։
Վկայակոչելով անանուն աղբյուրներին՝ Reuters-ը հաղորդում է, որ Սաուդյան Արաբիայի պաշտոնյաները կապվել են Վինիսիուսի հետ եւ առաջարկել հնգամյա պայմանագիր՝ մոտ 218 միլիոն դոլար յուրաքանչյուր սեզոնի համար, գումարած բոնուսներ Սաուդյան Արաբիայի պրոֆեսիոնալ լիգային (SPL) միանալու համար:
Ըստ Reuters-ի եւ ESPN-ի՝ գործարքը ներառում է նաեւ առանձին 10-ամյա դեսպանություն՝ 2034 թվականին Սաուդյան Արաբիայում կայանալիք աշխարհի գավաթից առաջ:
Վինիսիուսը դեռ չի մերժել Իսպանիայի մայրաքաղաքից հեռանալու հնարավորությունը եւ իր թիմի հետ ուսումնասիրում է առաջարկը։
Համաշխարհային այլ գերաստղեր, այդ թվում՝ Կրիշտիանու Ռոնալդուն, Նեյմարը եւ Կարիմ Բենզեման, ներկայումս խաղում են SPL-ում, բայց Վինիսիուսը, համաձայնության դեպքում, նրանց կմիանա ավելի երիտասարդ տարիքում, իսկ իր կարիերայի լավագույն տարիները դեռ առջեւում են:
Հաղորդվում է, որ անցյալ տարի ֆրանսիացի հարձակվող Կիլիան Մբապեն մերժել է սաուդցիների՝ 775 միլիոն դոլարի առաջարկը՝ միանալու սաուդյան «Ալ-Հիլալ» ակումբին: