WSJ-ի լրագրող Գերշկովիչը Ռուսաստանում դատապարտվել է 16 տարվա ազատազրկման

Սվերդլովսկի շրջանային դատարանը The Wall Street Journal-ի թղթակից Էվան Գերշկովիչին դատապարտել է 16 տարվա ազատազրկման խիստ ռեժիմի գաղութում։ Ռուսները նրան մեղադրում են իբր «լրտեսության» մեջ, հայտնում է The Wall Street Journal-ը։

Ռուս դատախազ Միքայել Օզդոևը դատարանին խնդրել է ամերիկացի լրագրողին դատապարտել 18 տարվա ազատազրկման։

Դատարանը նախաքննությունն ավարտեց երկու նիստով, որոնք դռնփակ անցկացվեցին հունիսի 26-ին և հուլիսի 18-ին։

Ռուսաստանցի դատախազները մեղադրում են WSJ-ի թղթակցին ԿՀՎ-ի անունից ռուսական պաշտպանական կապալառուի «Ուրալվագոնզավոդի» մասին տեղեկություններ հավաքելու մեջ: Գերշկովիչը հավատարմագրված էր Ռուսաստանում և գտնվում էր Եկատերինբուրգում և Սվերդլովսկի մարզի այլ քաղաքներում՝ թերթի համար ռեպորտաժներ պատրաստելով։