Իսրայելը Գազայի հարավում ընդլայնել է հումանիտար գոտին. խաղաղ բնակչության համար երկու քարտեզ է հրապարակվել
Իսրայելական բանակը հայտարարել է Գազայի հատվածի հարավում գտնվող Ալ-Մավասի շրջանում հումանիտար գոտու ընդլայնման մասին՝ հասկացնելով անկլավի հյուսիսային մասի խաղաղ բնակիչներին, որ պետք է սկսեն տարհանումը։
Հայտարարությունն արվել է պաղեստինյան ՀԱՄԱՍ արմատական շարժման զինված ուժերի դեմ նոր գործողության մեկնարկին զուգահեռ։
«Ընդլայնված հումանիտար գոտին ներառում է դաշտային հոսպիտալներ, որոնք տեղակայված են պատերազմի սկզբից, վրանային ճամբարներ, սնունդ, ջուր, դեղորայք և բժշկական սարքավորումներ»,– ասված է հայտարարության մեջ:
Իսրայելի պաշտպանական ուժերը հրապարակել են երկու քարտեզ պաղեստինցի խաղաղ բնակիչների համար՝ նշելով Գազայի հյուսիսում գտնվող հնարավոր տարհանման վայրերը։
Ավելի վաղ իսրայելական զինվորականները հայտարարել էին Ջեբալիա շրջանում նոր գործողության մեկնարկի մասին։
