ԼԻՈՆԵԼ ՄԵՍԻՆ ՀՆԱՐԱՎՈՐ Է ՇԱՐՈՒՆԱԿԻ ՀԱՆԴԵՍ ԳԱԼ «ԻՆՏԵՐ ՄԱՅԱՄԻՈՒՄ»

The Athletic պարբերականի լրագրող Դավիթ Օրնշտեյնն իր սոցկայքի էջում գրել է, որ «Ոսկե գնդակի» ութակի դափնեկիր Լիոնել Մեսին մոտ է «Ինտեր Մայամի» ակումբի հետ ունեցած պայմանագրի գործողության ժամկետի երկարաձգմանը։ Գործող պայմանագիրը, ըստ լրագրողի, ավարտվում է այս տարվա վերջին։ Ներկայումս քննարկումներ են ընթանում կապված նոր պայմանագրի դրույթների շուրջ։ Հիշեցնենք, որ Մեսին 37 տարեկան է։ «Ինտեր Մայամիում» հանդես է գալիս 2023 թվականից։ Ընթացիկ սեզոնին նա MLS-ում անցկացրել է չորս հանդիպում, խփել է երեք գոլ եւ կատարել երկու արդյունավետ փոխանցում։