Սիրիայում կոտորածներ են. Dailymail

Ավելի քան 1000 սիրիացի սպանվել է ընդամենը երկու օրվա ընթացքում դաժան վրեժխնդրության արդյունքում։ Այդ մասին գրում է  Dailymail-ը։ Ըստ պարբերականի, հակամարտությունից ավերված երկիրը կրկին ընկղմվել է արյունալի բախումների մեջ՝ նոր կառավարիչների և գահընկեց արված նախագահ Բաշար ալ-Ասադի կողմնակիցների մասնակցությամբ:

Մեծ Բրիտանիայում տեղակայված Մարդու իրավունքների սիրիական դիտորդական կենտրոնը հայտնել է, որ 745 խաղաղ բնակիչներից բացի, որոնց մեծ մասը սպանվել է կոտորածի ժամանակ, սպանվել են նաև 125 կառավարական անվտանգության ուժեր և Ասադի դաշնակից զինված խմբավորումների 148 մարտիկ:

Հաղորդագրության մեջ նշվում է նաև, որ Լաթաքիա քաղաքի շրջակայքի ընդարձակ տարածքներում անջատվել է էլեկտրաէներգիան և խմելու ջուրը։