Երբ ինձ այդ թեման հայտնի դարձավ, անակնկալ էր. ՆԳ նախարարը՝ Գյումրիում տարբեր վայրերից քաղաքացիներ բերելու ու գրանցելու մասին
«Երբ որ ինձ թեման հայտնի դարձավ, որ մեդիադաշտում շրջանառվում է այդ թեման, անակնկալ էր»,- կառավարության նիստից հետո ճեպազրույցում ասաց ներքին գործերի նախարար Արփինե Սարգսյանը՝ պատասխանելով հարցին, որ ահազանգեր կան տարբե վայրերից քաղաքացիների են տանում Գյումրի ու գրանցում, որպեսզի մասնակցեն մարտի 30-ին կայանալիք ընտրություններին։
Ա. Սարգսյանն ասաց, որ օրենսդրությանը ծանոթ մարդիկ պետք է իմանան, որ այսօր գրանցվելով Գյումրիում կամ Փարաքարում, դա չի տալու անձին հնարավորություն մասնակցելու ամսվա վերջին կայանալիք ընտրություններին, քանի որ անձը պետք է ունենա որոշակի ամսական կտրվածքով հաշվառում տվյալ բնակավայրում, որը նրան ընտրական իրավունքի հնարավորություն կտա։
