Իսրայելը չի ​​հրաժարվում իր նպատակից․ Նեթանյահու

Իսրայելը չի հրաժարվի արմատական պաղեստինյան ՀԱՄԱՍ շարժման վերացման նպատակից և կհասնի «լիակատար հաղթանակի», ներառյալ Գազայի հատվածում պահվող բոլոր պատանդների վերադարձը։

Այսպիսի հայտարարություն է արել Իսրայելի վարչապետ Բենիամին Նեթանյահուն Իսրայելի բանակի Գազայի դիվիզիայի զոհված զինվորների հիշատակին ծառատունկի արարողության ժամանակ, հաղորդում է վարչապետի աշխատակազմը։

Փոխանցում է ՏԱՍՍ-ը։

«Մենք պարտավորվում ենք հասնել ամբողջական հաղթանակի: Լիակատար հաղթանակը նշանակում է ՀԱՄԱՍ-ի լիկվիդացում և բոլոր առևանգվածների վերադարձը: Մենք չենք հրաժարվում այդ նպատակից», - հայտարարություն է տարածել վարչապետի գրասենյակը: