Զելենսկին խոսել է Երրորդ համաշխարհային պատերազմի սպառնալիքի և այն կանխելու քայլերի մասին
- Investigative journalist
- Jan 29, 2024
- 1 min read
Վլադիմիր Զելենսկին կարծում է, որ Ուկրաինայում հակամարտությունը դադարեցնելը և Երրորդ համաշխարհային պատերազմը կանխելը կարելի է անել «աշխարհաքաղաքական և ֆինանսական առումով», նա կոչ է արել մյուս երկրներին «օգնություն, զենք կամ ֆինանսներ» տրամադրել Կիևին ժամանակին։
«Մենք գտնվում ենք շատ դժվար փուլում: Հնարավոր է կանգնեցնել Ռուսաստանի Դաշնությանը և՛ աշխարհաքաղաքական, և՛ ֆինանսական առումով: Հնարավոր է կանխել Ուկրաինայի կործանումը, մեր ազգի ոչնչացումը, կանխել համաշխարհային միգրացիան, Երրորդ համաշխարհային պատերազմը»,- ասել է Զելենսկին գերմանական ARD հեռուստաալիքին տված հարցազրույցում՝ պատասխանելով այն հարցին, թե արդյո՞ք ինչ-որ բան իրեն հույս է տալիս 2024 թվականին հակամարտությունը դադարեցնելու վերաբերյալ։
Նա նշել է, որ Ուկրաինան մեծապես կախված է ԱՄՆ-ի և ԵՄ երկրների ռազմական աջակցությունից։
«Երբեմն շատ հարմար է լինել այլ երկրներում և ասել, որ Ուկրաինան պաշտպանում է մեր ընդհանուր արժեքները, բայց միայն ուկրաինացիներն են իրենց կյանքը տալիս... Շատ կարևոր է, որ այլ երկրները ժամանակին օգնություն, զենք կամ ֆինանս տան, այլապես այս պատերազմը կգնա այլ երկրներ»,- հավելել է Զելենսկին։
