Վարդենիսի մարտական դիրքում սպանված 23-ամյա սպան Ոսկեվազ համայնքից էր, ուներ մեկ փոքր եղբայր
- Investigative journalist
- Jan 9, 2024
- 1 min read
Վարդենիսի N զորամասի պահպանության տեղամասի N մարտական դիրքում սպանված սպա Կարեն Արայիկի Կարապետյանը Արագածոտնի մարզի Ոսկեվազ համայնքից էր։ NEWS.am-ին նախկին համայնքապետը պատմեց, որ 23-ամյա Կարենն ուներ մեկ փոքր եղբայր։
«Խելոք ընտանիքի տղա էր։ Մանկությանս ընկերոջ որդին էր։ Ինստիտուտն ավարտելուց հետո անցել էր ծառայության»,- պատմեց նա։
Ավելի վաղ Պաշտպանության նախարարությունը հաղորդել էր, որ հունվարի 9-ին՝ ժամը 06:20-ի սահմաններում, ՊՆ N զորամասի պահպանության տեղամասի N մարտական դիրքում հայտնաբերվել է պայմանագրային զինծառայող Կարեն Արայիկի Կարապետյանի դին՝ հրազենային վնասվածքով: Դեպքի հանգամանքներն ամբողջովին պարզելու նպատակով ընթանում է քննություն:
