Մոդրիչն ամռանը կարող է փոխել ակումբային գրանցումը

Մադրիդի «Ռեալի» կիսապաշտպան Լուկա Մոդրիչը 2024 թվականի ամռանը կարող է տեղափոխվել Սաուդյան Արաբիայի ակումբներից մեկը, հայտնում է AS-ը։

Աղբյուրի համաձայն՝ սաուդյան ակումբները չեն հրաժարվել Արքայական ակումբի 38-ամյա խորվաթ կիսապաշտպանին հրավիրելու մտքից, ում գործող պայմանագիրն ավարտվում է 2024 թվականի հունիսին։ Նոր առաջարկի ճշգրիտ գումարը չի հաղորդվում։

Խորվաթ կիսապաշտպանը Մադրիդի «Ռեալում» հանդես է գալիս 2012 թվականից։

Այս մրցաշրջանում նա Արքայական ակումբի կազմում անցկացրել է 22 հանդիպում բոլոր մրցաշարերում, դարձել մեկ գոլի և 5 գոլային փոխանցման հեղինակ։