top of page

«Վարչապետի վերջին արտահայտությունների մեջ դուք պետք է տեսնեք, որ նա կոնկրետ ասում է՝ Ալիև, դու պետք է հետ քաշվես, պետք է լինի այնպես, ինչպես իմ ժողովուրդն է ուզում»․ ՔՊ-ական

«Ալիեւը, այո, կարող է հոխորտալ, որովհետեւ այլեւս չի կարողանում ուժով հասնել իր ուզածին: Նրանք, որոնք միամտաբար կարծում են, թե Ալիեւի հոխորտածի հետեւում մի բան կա, ես վստահ եմ, որ չկա։ Ալիեւն արդեն հիմա հասկանում է, որ եթե լուրջ, լայնամասշտաբ ինչ-որ բանի գնա, մենք արդեն ի վիճակի ենք պատասխան տալու: Այդ պատասխան տալու հնարավորությունը կատաղեցնում է իրեն, դրա համար էլ հոխորտում է: Ես շատ վաղուց եմ թուրքին ճանաչում, եթե թուրքը մի վայրկյան անգամ մտածում է, որ կարող է անել, ինքը ոչ խոսում է, ոչ հոխորտում է, միանգամից անում է»,-ասել է նա:

Դիտարկմանը, որ Ներքին Հանդում հայկական կողմը որեւէ կերպ պատասխան չտվեց Ադրբեջանի սադրանքին, պատժիչ գործողություն չարեց,  ՔՊ-ական պատգամավորն արձագանքել է. «Ինձ հասած տեղեկություններով, պատժիչ  գործողություններ մեր կողմից պետք չեն, որովհետեւ հիմա մենք չենք ուզում լայնածավալ կռվի մեջ ներքաշվել:  Ինչքան ես գիտեմ՝ մեղավորությունը մերոնց կողմն է եղել: Ես խոսել եմ Ներքին Հանդի տղաների հետ, մերոնց կողմից է եղել առաջին խախտումը: Կրակոց է եղել, եւ նրանք զոհ են տվել: Հիմա ոչ մի դեպքում չի կարելի գնալ սրացման: Մեզ 1-1,5 տարի եւս անհրաժեշտ է, որ ամբողջությամբ կարողանանք մեջքներս ուղղել, եւ թուրքի հետ ուրիշ ձեւով կխոսենք : Թեկուզ վարչապետի վերջին արտահայտությունների մեջ դուք պետք է տեսնեք, որ նա կոնկրետ, հստակ եւ նախանշված ասում է՝ Ալիեւ, սա է ճշմարտությունը եւ վերջացավ, գնաց, դու պետք է հետ քաշվես․ ուզես-չուզես, պետք է լինի այնպես, ինչպես իմ ժողովուրդն է ուզում»:

Ասլանյանի խոսքով՝ Փաշինյանի հայտարարությունը նաեւ մեսիջ էր միջազգային հանրությանը, որ եթե նոր պատերազմ լինի, կարող է մենք համարժեք պատասխան տանք, ու այդ դեպքում մեզ չպետք է մեղադրել պատերազմ վարելու մեջ:

ԼՐԱՀՈՍ

1/1864
bottom of page