24-ժամյա հանրահավաքում, որը նվիրված է Գազայի հատվածում ՀԱՄԱՍ-ի կողմից մոտ 240 մարդու պատանդ վերցնելու 100-րդ  օրվան, հրապարակում գտնվող ցուցարարները շարժվում են դեպի անհայտ կորածների պատվին կանգնեցված գեղարվեստական ​​ինստալյացիաները, գրում է The Times of Israel-ը:

Նկարչուհի Դանա Սապիրը, սև հագուստով և վանդակում փակված, գրավում է անցորդների ուշադրությունը, քանի որ կարծես փորձում է դուրս փախչել իր վանդակից: Նրա երկու ափերի վրա սև մարկերով գրված է նրա ստեղծագործության անվանումը՝ «Միայն իմ դիակի վրայով»։

Սապիրի կողքին Համասի թունելը պատկերող մակետն է։

Ըստ իսրայելական ԶԼՄ-ների՝ հանրահավաքին մասնակցել է շուրջ 120 հազար մարդ։

Նշվում է, որ ակցիային այցելել են նաև «Ազգային միաբանություն» կուսակցությունից նախարարներ Բենի Գանցը և Գադի Էյզենկոտը։

Նրանք հանրահավաքի են ժամանել  Կիրիայում ՑԱԽԱԼ-ի ռազմական շտաբում կայացած նիստից անմիջապես հետո: