Ռուսաստանցի թենիսիստ Կարեն Խաչանովը չի կարողացել դուրս գալ Մելբուռնում ընթացող Ավստրալիայի բաց առաջնության քառորդ եզրափակիչ, հայտնում է sportbox.ru-ն։

15-րդ տեղը զբաղեցրած Խաչանովը 4:6, 5:7, 3:6 հաշվով պարտվել է աշխարհի չորրորդ ռակետին՝ իտալացի Յաննիկ Սիններին։ Հանդիպումը տեւել է 2 ժամ 34 րոպե։

22-ամյա իտալացու հաջորդ մրցակիցը կլինի Անդրեյ Ռուբլյով (Ռուսաստան, 5) - Ալեքս դե Մինաուր (Ավստրալիա, 10) խաղի հաղթողը։

Հիշեցնենք, որ անցած տարի Խաչանովը Մելբուռնում հասել էր կիսաեզրափակիչ։