Պերուի իշխանությունները վաթսուն օրով արտակարգ դրություն են հայտարարել Էկվադորի հետ սահմանին՝ հարևան երկրում հանցավոր խմբավորումների հետ բախումների ֆոնին: Այս մասին հայտնում է El Comercio թերթը։

«Այս դրույթը գործնականում կիրառվում է Պերուի Սահմանադրության 44-րդ հոդվածը, որը որպես պետության առաջնային պարտականություն է սահմանում բնակչության պաշտպանությունը անվտանգության սպառնալիքներից»,- ասվում է հրապարակման մեջ։

Հաղորդվում է նաև, որ Պերուի պաշտպանության և ներքին գործերի նախարարները հայտարարել են, որ ձեռնարկում են անհրաժեշտ միջոցներ՝ «կանխելու կազմակերպված հանցավորության հետ կապված խմբերի ներթափանցումը»։

Էկվադորյան մաֆիան, ի պատասխան նախագահի կողմից հայտարարված արտակարգ դրության, անկարգություններ ու բախումներ է կազմակերպել երկրով մեկ։

Երկրի նորընտիր նախագահ Դանիել Նոբոան 22 մաֆիոզ խմբավորումներն անվանել է ահաբեկչական կազմակերպություններ և ասել, որ երկիրը գտնվում է ներքին զինված հակամարտության մեջ:

Աղբյուրը մանրամասնում է, որ ամեն ինչ սկսվել է չափազանց վտանգավոր հանցագործի՝ «Լոս Չոներոս» ազդեցիկ հանցախմբի 44-ամյա ղեկավար Խոսե Ադոլֆո Մասիասի՝ բանտից փախուստից հետո: Նախագահ Նոբոան երկրում արտակարգ դրություն և պարետային ժամ է հայտարարել։

Հանցախմբերի անդամներն ի պատասխան զինված դուրս են եկել փողոցներ, հրկիզել են մեքենաներ, լսվել են պայթյուններ: Ոստիկանությունը հայտնել է, որ բախումների հետևանքով առնվազն 10 մարդ է զոհվել։