Հունվարի մեկին Ճապոնիայում Նոտո թերակղզու տարածքում տեղի ունեցած մի շարք հզոր երկրաշարժերի հետևանքով զոհերի թիվը հասել է 180-ի։ Այս մասին են վկայում Իսիկավայի պրեֆեկտուրայի իշխանությունների հրապարակած տվյալները։ Այս մասին գրում է ՏԱՍՍ-ը:

Նախկինում գրանցվել էր մահվան 168 դեպք։ Առնվազն 120 մարդ մնում է անհետ կորած. արտակարգ իրավիճակների ծառայության աշխատակիցներին չի հաջողվում նրանց հետ կապ հաստատել՝ գտնվելու վայրը պարզելու համար: Տուժածների թիվը 565 է։

Երկրաշարժից տուժած շրջանների շուրջ 28 հազար բնակիչ շարունակում են գտնվել տարհանման կետերում։ Աղետից ամենաշատը տուժել է Իսիկավա պրեֆեկտուրան՝ առնվազն 1370 տուն ամբողջությամբ կամ մասնակիորեն ավերվել է, իսկ հրդեհները ոչնչացրել են ավելի քան 300 շենք։